pariet autem filium et vocabis nomen eius Iesum ipse enim salvum faciet populum suum a peccatis eorum
et tu Bethleem terra Iuda nequaquam minima es in principibus Iuda ex te enim exiet dux qui reget populum meum Israhel
et dicens paenitentiam agite adpropinquavit enim regnum caelorum
et ecce vox de caelis dicens hic est Filius meus dilectus in quo mihi conplacui
qui respondens dixit scriptum est non in pane solo vivet homo sed in omni verbo quod procedit de ore Dei
exinde coepit Iesus praedicare et dicere paenitentiam agite adpropinquavit enim regnum caelorum
beati pauperes spiritu quoniam ipsorum est regnum caelorum
beati mites quoniam ipsi possidebunt terram
beati qui lugent quoniam ipsi consolabuntur
beati qui esuriunt et sitiunt iustitiam quoniam ipsi saturabuntur
beati misericordes quia ipsi misericordiam consequentur
beati mundo corde quoniam ipsi Deum videbunt
beati pacifici quoniam filii Dei vocabuntur
beati qui persecutionem patiuntur propter iustitiam quoniam ipsorum est regnum caelorum
vos estis sal terrae quod si sal evanuerit in quo sallietur ad nihilum valet ultra nisi ut mittatur foras et conculcetur ab hominibus
vos estis lux mundi non potest civitas abscondi supra montem posita
sic luceat lux vestra coram hominibus ut videant vestra bona opera et glorificent Patrem vestrum qui in caelis est
nolite putare quoniam veni solvere legem aut prophetas non veni solvere sed adimplere
dico enim vobis quia nisi abundaverit iustitia vestra plus quam scribarum et Pharisaeorum non intrabitis in regnum caelorum
ego autem dico vobis quia omnis qui irascitur fratri suo reus erit iudicio qui autem dixerit fratri suo racha reus erit concilio qui autem dixerit fatue reus erit gehennae ignis
ego autem dico vobis quoniam omnis qui viderit mulierem ad concupiscendum eam iam moechatus est eam in corde suo
ego autem dico vobis quia omnis qui dimiserit uxorem suam excepta fornicationis causa facit eam moechari et qui dimissam duxerit adulterat
sit autem sermo vester est est non non quod autem his abundantius est a malo est
ego autem dico vobis non resistere malo sed si quis te percusserit in dextera maxilla tua praebe illi et alteram
ego autem dico vobis diligite inimicos vestros benefacite his qui oderunt vos et orate pro persequentibus et calumniantibus vos
estote ergo vos perfecti sicut et Pater vester caelestis perfectus est
tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibi
veniat regnum tuum fiat voluntas tua sicut in caelo et in terra
et dimitte nobis debita nostra sicut et nos dimisimus debitoribus nostris
si enim dimiseritis hominibus peccata eorum dimittet et vobis Pater vester caelestis delicta vestra
ubi enim est thesaurus tuus ibi est et cor tuum
nemo potest duobus dominis servire aut enim unum odio habebit et alterum diliget aut unum sustinebit et alterum contemnet non potestis Deo servire et mamonae
quaerite autem primum regnum et iustitiam eius et omnia haec adicientur vobis
nolite iudicare ut non iudicemini
petite et dabitur vobis quaerite et invenietis pulsate et aperietur vobis
omnia ergo quaecumque vultis ut faciant vobis homines et vos facite eis haec est enim lex et prophetae
intrate per angustam portam quia lata porta et spatiosa via quae ducit ad perditionem et multi sunt qui intrant per eam
quam angusta porta et arta via quae ducit ad vitam et pauci sunt qui inveniunt eam
non omnis qui dicit mihi Domine Domine intrabit in regnum caelorum sed qui facit voluntatem Patris mei qui in caelis est ipse intrabit in regnum caelorum
ut adimpleretur quod dictum est per Esaiam prophetam dicentem ipse infirmitates nostras accepit et aegrotationes portavit
euntes autem discite quid est misericordiam volo et non sacrificium non enim veni vocare iustos sed peccatores
infirmos curate mortuos suscitate leprosos mundate daemones eicite gratis accepistis gratis date
omnis ergo qui confitebitur me coram hominibus confitebor et ego eum coram Patre meo qui est in caelis
qui invenit animam suam perdet illam et qui perdiderit animam suam propter me inveniet eam
venite ad me omnes qui laboratis et onerati estis et ego reficiam vos
dominus est enim Filius hominis etiam sabbati
ideo dico vobis omne peccatum et blasphemia remittetur hominibus Spiritus autem blasphemia non remittetur
simile est regnum caelorum thesauro abscondito in agro quem qui invenit homo abscondit et prae gaudio illius vadit et vendit universa quae habet et emit agrum illum
et exiens vidit turbam multam et misertus est eius et curavit languidos eorum
populus hic labiis me honorat cor autem eorum longe est a me
respondens Simon Petrus dixit tu es Christus Filius Dei vivi
tunc Iesus dixit discipulis suis si quis vult post me venire abneget semet ipsum et tollat crucem suam et sequatur me
et dixit amen dico vobis nisi conversi fueritis et efficiamini sicut parvuli non intrabitis in regnum caelorum
venit enim Filius hominis salvare quod perierat
ubi enim sunt duo vel tres congregati in nomine meo ibi sum in medio eorum
itaque iam non sunt duo sed una caro quod ergo Deus coniunxit homo non separet
Iesus vero ait eis sinite parvulos et nolite eos prohibere ad me venire talium est enim regnum caelorum
aspiciens autem Iesus dixit illis apud homines hoc inpossibile est apud Deum autem omnia possibilia sunt
non ita erit inter vos sed quicumque voluerit inter vos maior fieri sit vester minister
et omnia quaecumque petieritis in oratione credentes accipietis
multi autem sunt vocati pauci vero electi
ait illi Iesus diliges Dominum Deum tuum ex toto corde tuo et in tota anima tua et in tota mente tua
secundum autem simile est huic diliges proximum tuum sicut te ipsum
qui autem se exaltaverit humiliabitur et qui se humiliaverit exaltabitur
qui autem permanserit usque in finem hic salvus erit
de die autem illa et hora nemo scit neque angeli caelorum nisi Pater solus
ait illi dominus eius euge bone serve et fidelis quia super pauca fuisti fidelis super multa te constituam intra in gaudium domini tui
et congregabuntur ante eum omnes gentes et separabit eos ab invicem sicut pastor segregat oves ab hedis
cenantibus autem eis accepit Iesus panem et benedixit ac fregit deditque discipulis suis et ait accipite et comedite hoc est corpus meum
hic est enim sanguis meus novi testamenti qui pro multis effunditur in remissionem peccatorum
vigilate et orate ut non intretis in temptationem spiritus quidem promptus est caro autem infirma
et circa horam nonam clamavit Iesus voce magna dicens Heli Heli lema sabacthani hoc est Deus meus Deus meus ut quid dereliquisti me
respondens autem angelus dixit mulieribus nolite timere vos scio enim quod Iesum qui crucifixus est quaeritis
non est hic surrexit enim sicut dixit venite videte locum ubi positus erat Dominus
et accedens Iesus locutus est eis dicens data est mihi omnis potestas in caelo et in terra
euntes ergo docete omnes gentes baptizantes eos in nomine Patris et Filii et Spiritus Sancti
docentes eos servare omnia quaecumque mandavi vobis et ecce ego vobiscum sum omnibus diebus usque ad consummationem saeculi
ecce virgo in utero habebit et pariet filium et vocabunt nomen eius Emmanuhel quod est interpretatum Nobiscum Deus
dicentes ubi est qui natus est rex Iudaeorum vidimus enim stellam eius in oriente et venimus adorare eum
videns autem turbas ascendit in montem et cum sedisset accesserunt ad eum discipuli eius
cum ergo facies elemosynam noli tuba canere ante te sicut hypocritae faciunt in synagogis et in vicis ut honorificentur ab hominibus amen dico vobis receperunt mercedem suam
nolite ergo esse solliciti in crastinum crastinus enim dies sollicitus erit sibi ipse sufficit diei malitia sua
adtendite a falsis prophetis qui veniunt ad vos in vestimentis ovium intrinsecus autem sunt lupi rapaces
tollite iugum meum super vos et discite a me quia mitis sum et humilis corde et invenietis requiem animabus vestris
progenies viperarum quomodo potestis bona loqui cum sitis mali ex abundantia enim cordis os loquitur
et locutus est eis multa in parabolis dicens ecce exiit qui seminat seminare
iterum dico vobis quia si duo ex vobis consenserint super terram de omni re quacumque petierint fiet illis a Patre meo qui in caelis est
sicut Filius hominis non venit ministrari sed ministrare et dare animam suam redemptionem pro multis
turbae autem quae praecedebant et quae sequebantur clamabant dicentes osanna Filio David benedictus qui venturus est in nomine Domini osanna in altissimis
vae vobis scribae et Pharisaei hypocritae quia similes estis sepulchris dealbatis quae a foris parent hominibus speciosa intus vero plena sunt ossibus mortuorum et omni spurcitia
sicut enim fulgur exit ab oriente et paret usque in occidente ita erit et adventus Filii hominis
et respondens rex dicet illis amen dico vobis quamdiu fecistis uni de his fratribus meis minimis mihi fecistis
centurio autem et qui cum eo erant custodientes Iesum viso terraemotu et his quae fiebant timuerunt valde dicentes vere Dei Filius erat iste
amen quippe dico vobis donec transeat caelum et terra iota unum aut unus apex non praeteribit a lege donec omnia fiant
nolite ergo adsimilari eis scit enim Pater vester quibus opus sit vobis antequam petatis eum
et factum est cum consummasset Iesus verba haec admirabantur turbae super doctrinam eius
iugum enim meum suave est et onus meum leve est
et dixit propter hoc dimittet homo patrem et matrem et adherebit uxori suae et erunt duo in carne una
dicunt ei Caesaris tunc ait illis reddite ergo quae sunt Caesaris Caesari et quae sunt Dei Deo
caelum et terra transibunt verba vero mea non praeteribunt
et progressus pusillum procidit in faciem suam orans et dicens mi Pater si possibile est transeat a me calix iste verumtamen non sicut ego volo sed sicut tu
Iesus autem iterum clamans voce magna emisit spiritum