verbum enim crucis pereuntibus quidem stultitia est his autem qui salvi fiunt id est nobis virtus Dei est
sed quae stulta sunt mundi elegit Deus ut confundat sapientes et infirma mundi elegit Deus ut confundat fortia
non enim iudicavi scire me aliquid inter vos nisi Iesum Christum et hunc crucifixum
ut fides vestra non sit in sapientia hominum sed in virtute Dei
ego plantavi Apollo rigavit sed Deus incrementum dedit
fundamentum enim aliud nemo potest ponere praeter id quod positum est qui est Christus Iesus
nescitis quia templum Dei estis et Spiritus Dei habitat in vobis
hic iam quaeritur inter dispensatores ut fidelis quis inveniatur
non bona gloriatio vestra nescitis quia modicum fermentum totam massam corrumpit
et haec quidam fuistis sed abluti estis sed sanctificati estis sed iustificati estis in nomine Domini nostri Iesu Christi et in Spiritu Dei nostri
omnia mihi licent sed non omnia expediunt omnia mihi licent sed ego sub nullius redigar potestate
an nescitis quoniam membra vestra templum est Spiritus Sancti qui in vobis est quem habetis a Deo et non estis vestri
empti enim estis pretio magno glorificate et portate Deum in corpore vestro
de quibus autem scripsistis bonum est homini mulierem non tangere
volo autem vos sine sollicitudine esse qui sine uxore est sollicitus est quae Domini sunt quomodo placeat Deo
nobis tamen unus Deus Pater ex quo omnia et nos in illum et unus Dominus Iesus Christus per quem omnia et nos per ipsum
nescitis quod hii qui in stadio currunt omnes quidem currunt sed unus accipit bravium sic currite ut conprehendatis
sed castigo corpus meum et in servitutem redigo ne forte cum aliis praedicaverim ipse reprobus efficiar
temptatio vos non adprehendat nisi humana fidelis autem Deus qui non patietur vos temptari super id quod potestis sed faciet cum temptatione etiam proventum ut possitis sustinere
sive ergo manducatis sive bibitis vel aliud quid facitis omnia in gloriam Dei facite
imitatores mei estote sicut et ego Christi
et gratias agens fregit et dixit hoc est corpus meum pro vobis hoc facite in meam commemorationem
unicuique autem datur manifestatio Spiritus ad utilitatem
sicut enim corpus unum est et membra habet multa omnia autem membra corporis cum sint multa unum corpus sunt ita et Christus
vos autem estis corpus Christi et membra de membro
si linguis hominum loquar et angelorum caritatem autem non habeam factus sum velut aes sonans aut cymbalum tinniens
caritas patiens est benigna est caritas non aemulatur non agit perperam non inflatur
omnia suffert omnia credit omnia sperat omnia sustinet
caritas numquam excidit sive prophetiae evacuabuntur sive linguae cessabunt sive scientia destruetur
nunc autem manet fides spes caritas tria haec maior autem his est caritas
sectamini caritatem aemulamini spiritalia magis autem ut prophetetis
non enim est dissensionis Deus sed pacis sicut in omnibus ecclesiis sanctorum
tradidi enim vobis in primis quod et accepi quoniam Christus mortuus est pro peccatis nostris secundum scripturas
et quia sepultus est et quia resurrexit tertia die secundum scripturas
gratia autem Dei sum id quod sum et gratia eius in me vacua non fuit sed abundantius illis omnibus laboravi non ego autem sed gratia Dei mecum
nunc autem Christus resurrexit a mortuis primitiae dormientium
nolite seduci corrumpunt mores bonos conloquia mala
sic et resurrectio mortuorum seminatur in corruptione surgit in incorruptione
Deo autem gratias qui dedit nobis victoriam per Dominum nostrum Iesum Christum
itaque fratres mei dilecti stabiles estote et inmobiles abundantes in opere Domini semper scientes quod labor vester non est inanis in Domino
omnia vestra in caritate fiant
obsecro autem vos fratres per nomen Domini nostri Iesu Christi ut id ipsum dicatis omnes et non sint in vobis scismata sitis autem perfecti in eodem sensu et in eadem sententia
animalis autem homo non percipit ea quae sunt Spiritus Dei stultitia est enim illi et non potest intellegere quia spiritaliter examinatur
et ego fratres non potui vobis loqui quasi spiritalibus sed quasi carnalibus tamquam parvulis in Christo
quis enim te discernit quid autem habes quod non accepisti si autem accepisti quid gloriaris quasi non acceperis
expurgate vetus fermentum ut sitis nova consparsio sicut estis azymi etenim pascha nostrum immolatus est Christus
Deus vero et Dominum suscitavit et nos suscitabit per virtutem suam
quod si non se continent nubant melius est enim nubere quam uri
nam si evangelizavero non est mihi gloria necessitas enim mihi incumbit vae enim mihi est si non evangelizavero
omnia licent sed non omnia aedificant
quotienscumque enim manducabitis panem hunc et calicem bibetis mortem Domini adnuntiatis donec veniat
etenim in uno Spiritu omnes nos in unum corpus baptizati sumus sive Iudaei sive gentiles sive servi sive liberi et omnes unum Spiritum potati sumus
et si habuero prophetiam et noverim mysteria omnia et omnem scientiam et habuero omnem fidem ita ut montes transferam caritatem autem non habuero nihil sum
quid ergo est fratres cum convenitis unusquisque vestrum psalmum habet doctrinam habet apocalypsin habet linguam habet interpretationem habet omnia ad aedificationem fiant
novissima autem inimica destruetur mors omnia enim subiecit sub pedibus eius cum autem dicat
vigilate state in fide viriliter agite et confortamini
nam quia in Dei sapientia non cognovit mundus per sapientiam Deum placuit Deo per stultitiam praedicationis salvos facere credentes
quis enim cognovit sensum Domini qui instruat eum nos autem sensum Christi habemus
uniuscuiusque opus manifestum erit dies enim declarabit quia in igne revelabitur et uniuscuiusque opus quale sit ignis probabit
non enim in sermone est regnum Dei sed in virtute
audet aliquis vestrum habens negotium adversus alterum iudicari apud iniquos et non apud sanctos
nisi unicuique sicut divisit Dominus unumquemque sicut vocavit Deus ita ambulet et sic in omnibus ecclesiis doceo
nemo quod suum est quaerat sed quod alterius
volo autem vos scire quod omnis viri caput Christus est caput autem mulieris vir caput vero Christi Deus
ideo notum vobis facio quod nemo in Spiritu Dei loquens dicit anathema Iesu et nemo potest dicere Dominus Iesus nisi in Spiritu Sancto
mulieres in ecclesiis taceant non enim permittitur eis loqui sed subditas esse sicut et lex dicit
ecce mysterium vobis dico omnes quidem resurgemus sed non omnes inmutabimur
nos autem praedicamus Christum crucifixum Iudaeis quidem scandalum gentibus autem stultitiam
Dei enim sumus adiutores Dei agricultura estis Dei aedificatio estis
quid vultis in virga veniam ad vos an in caritate et spiritu mansuetudinis
pretio empti estis nolite fieri servi hominum
sicut et ego per omnia omnibus placeo non quaerens quod mihi utile est sed quod multis ut salvi fiant
haec autem omnia operatur unus atque idem Spiritus dividens singulis prout vult
omnia autem honeste et secundum ordinem fiant
cum autem mortale hoc induerit inmortalitatem tunc fiet sermo qui scriptus est absorta est mors in victoria
et sermo meus et praedicatio mea non in persuasibilibus sapientiae verbis sed in ostensione Spiritus et virtutis
nam si decem milia pedagogorum habeatis in Christo sed non multos patres nam in Christo Iesu per evangelium ego vos genui
mulier alligata est quanto tempore vir eius vivit quod si dormierit vir eius liberata est cui vult nubat tantum in Domino
haec autem in figura facta sunt nostri ut non simus concupiscentes malorum sicut et illi concupierunt
non est ambitiosa non quaerit quae sua sunt non inritatur non cogitat malum
si autem Christus non resurrexit inanis est ergo praedicatio nostra inanis est et fides vestra
si quis autem templum Dei violaverit disperdet illum Deus templum enim Dei sanctum est quod estis vos
rogo ergo vos imitatores mei estote
nam cum liber essem ex omnibus omnium me servum feci ut plures lucri facerem
quod si Christus non resurrexit vana est fides vestra adhuc enim estis in peccatis vestris
quia quod stultum est Dei sapientius est hominibus et quod infirmum est Dei fortius est hominibus
sic nos existimet homo ut ministros Christi et dispensatores mysteriorum Dei
si aliis non sum apostolus sed tamen vobis sum nam signaculum apostolatus mei vos estis in Domino
si in hac vita tantum in Christo sperantes sumus miserabiliores sumus omnibus hominibus
videte enim vocationem vestram fratres quia non multi sapientes secundum carnem non multi potentes non multi nobiles
haec autem fratres transfiguravi in me et Apollo propter vos ut in nobis discatis ne supra quam scriptum est unus adversus alterum infletur pro alio
et omnes in Mose baptizati sunt in nube et in mari
et sicut in Adam omnes moriuntur ita et in Christo omnes vivificabuntur
sed sicut scriptum est quod oculus non vidit nec auris audivit nec in cor hominis ascendit quae praeparavit Deus his qui diligunt illum
nos stulti propter Christum vos autem prudentes in Christo nos infirmi vos autem fortes vos nobiles nos autem ignobiles
ego enim accepi a Domino quod et tradidi vobis quoniam Dominus Iesus in qua nocte tradebatur accepit panem
seminatur corpus animale surgit corpus spiritale si est corpus animale est et spiritale sic et scriptum est
sapientia enim huius mundi stultitia est apud Deum scriptum est enim conprehendam sapientes in astutia eorum
et laboramus operantes manibus nostris maledicimur et benedicimus persecutionem patimur et sustinemus
probet autem se ipsum homo et sic de pane illo edat et de calice bibat
igitur sicut portavimus imaginem terreni portemus et imaginem caelestis
iam quidem omnino delictum est in vobis quod iudicia habetis inter vos quare non magis iniuriam accipitis quare non magis fraudem patimini
sic et vos quoniam aemulatores estis spirituum ad aedificationem ecclesiae quaerite ut abundetis
stimulus autem mortis peccatum est virtus vero peccati lex