vir erat in terra Hus nomine Iob et erat vir ille simplex et rectus ac timens Deum et recedens a malo
quadam autem die cum venissent filii Dei ut adsisterent coram Domino adfuit inter eos etiam Satan
dixitque Dominus ad eum numquid considerasti servum meum Iob quod non sit ei similis in terra homo simplex et rectus et timens Deum ac recedens a malo
et dixit nudus egressus sum de utero matris meae et nudus revertar illuc Dominus dedit Dominus abstulit sit nomen Domini benedictum
cui respondens Satan ait pellem pro pelle et cuncta quae habet homo dabit pro anima sua
dixit ergo Dominus ad Satan ecce in manu tua est verumtamen animam illius serva
qui ait ad illam quasi una de stultis locuta es si bona suscepimus de manu Domini quare mala non suscipiamus in omnibus his non peccavit Iob labiis suis
post haec aperuit Iob os suum et maledixit diei suo
homo ad laborem nascitur et avis ad volatum
beatus homo qui corripitur a Domino increpationem ergo Domini ne reprobes
quia sagittae Domini in me sunt quarum indignatio ebibit spiritum meum et terrores Domini militant contra me
militia est vita hominis super terram et sicut dies mercennarii dies eius
quid est homo quia magnificas eum aut quia ponis erga eum cor tuum
in tantum ut priora tua fuerint parva et novissima tua multiplicentur nimis
vere scio quod ita sit et quod non iustificetur homo conpositus Deo
sapiens corde est et fortis robore quis restitit ei et pacem habuit
qui facit magna et inconprehensibilia et mirabilia quorum non est numerus
taedet animam meam vitae meae dimittam adversum me eloquium meum loquar in amaritudine animae meae
vitam et misericordiam tribuisti mihi et visitatio tua custodivit spiritum meum
forsitan vestigia Dei conprehendes et usque ad perfectum Omnipotentem repperies
in cuius manu anima omnis viventis et spiritus universae carnis hominis
etiam si occiderit me in ipso sperabo verumtamen vias meas in conspectu eius arguam
homo natus de muliere brevi vivens tempore repletus multis miseriis
putasne mortuus homo rursum vivet cunctis diebus quibus nunc milito expecto donec veniat inmutatio mea
ecce inter sanctos eius nemo inmutabilis et caeli non sunt mundi in conspectu eius
ecce enim in caelo testis meus et conscius meus in excelsis
dies mei transierunt cogitationes meae dissipatae sunt torquentes cor meum
quis mihi tribuat ut scribantur sermones mei quis mihi det ut exarentur in libro
scio enim quod redemptor meus vivat et in novissimo de terra surrecturus sim
et rursum circumdabor pelle mea et in carne mea videbo Deum
quem visurus sum ego ipse et oculi mei conspecturi sunt et non alius reposita est haec spes mea in sinu meo
quare ergo impii vivunt sublevati sunt confortatique divitiis
adquiesce igitur ei et habeto pacem et per haec habebis fructus optimos
quis mihi tribuat ut cognoscam et inveniam illum et veniam usque ad solium eius
ipse vero scit viam meam et probavit me quasi aurum quod per ignem transit
numquid iustificari potest homo conparatus Deo aut apparere mundus natus de muliere
ecce haec ex parte dicta sunt viarum eius et cum vix parvam stillam sermonis eius audierimus quis poterit tonitruum magnitudinis illius intueri
sapientia vero ubi invenitur et quis est locus intellegentiae
et dixit homini ecce timor Domini ipsa est sapientia et recedere a malo intellegentia
nunc autem derident me iuniores tempore quorum non dignabar patres ponere cum canibus gregis mei
pepigi foedus cum oculis meis ut ne cogitarem quidem de virgine
quis mihi tribuat auditorem ut desiderium meum Omnipotens audiat et librum scribat ipse qui iudicat
sed ut video spiritus est in hominibus et inspiratio Omnipotentis dat intellegentiam
spiritus Dei fecit me et spiraculum Omnipotentis vivificavit me
ideo viri cordati audite me absit a Deo impietas et ab Omnipotente iniquitas
qui non accipit personas principum nec cognovit tyrannum cum disceptaret contra pauperem opus enim manuum eius sunt universi
et non dixit ubi est Deus qui fecit me qui dedit carmina in nocte
Deus potentes non abicit cum et ipse sit potens
ecce Deus magnus vincens scientiam nostram numerus annorum eius inaestimabilis
ausculta haec Iob sta et considera miracula Dei
respondens autem Dominus Iob de turbine dixit
ubi eras quando ponebam fundamenta terrae indica mihi si habes intellegentiam
cum me laudarent simul astra matutina et iubilarent omnes filii Dei
et dixi usque huc venies et non procedes amplius et hic confringes tumentes fluctus tuos
quis est pluviae pater vel quis genuit stillas roris
numquid per sapientiam tuam plumescit accipiter expandens alas suas ad austrum
numquid qui contendit cum Deo tam facile conquiescit utique qui arguit Deum debet respondere ei.
qui leviter locutus sum respondere quid possum manum meam ponam super os meum
de ore eius lampades procedunt sicut taedae ignis accensae
respondens autem Iob Domino dixit
scio quia omnia potes et nulla te latet cogitatio
quis est iste qui celat consilium absque scientia ideo insipienter locutus sum et quae ultra modum excederent scientiam meam
auditu auris audivi te nunc autem oculus meus videt te
idcirco ipse me reprehendo et ago paenitentiam in favilla et cinere
Dominus quoque conversus est ad paenitentiam Iob cum oraret ille pro amicis suis et addidit Dominus omnia quaecumque fuerant Iob duplicia
Dominus autem benedixit novissimis Iob magis quam principio eius et facta sunt ei quattuordecim milia ovium et sex milia camelorum et mille iuga boum et mille asinae
dixit ergo Dominus ad Satan ecce universa quae habet in manu tua sunt tantum in eum ne extendas manum tuam egressusque est Satan a facie Domini
tunc surrexit Iob et scidit tunicam suam et tonso capite corruens in terram adoravit
et dixit Dominus ad Satan numquid considerasti servum meum Iob quod non sit ei similis in terra vir simplex et rectus timens Deum ac recedens a malo et adhuc retinens innocentiam tu autem commovisti me adversus eum ut adfligerem illum frustra
egressus igitur Satan a facie Domini percussit Iob ulcere pessimo a planta pedis usque ad verticem eius
et sederunt cum eo in terram septem diebus et septem noctibus et nemo loquebatur ei verbum videbant enim dolorem esse vehementem
numquid homo Dei conparatione iustificabitur aut factore suo purior erit vir
quam ob rem ego deprecabor Dominum et ad Deum ponam eloquium meum
ad increpandum tantum eloquia concinnatis et in ventum verba profertis
desperavi nequaquam ultra iam vivam parce mihi nihil enim sunt dies mei
hesterni quippe sumus et ignoramus quoniam sicut umbra dies nostri sunt super terram
si venerit ad me non videbo si abierit non intellegam eum
si iustificare me voluero os meum condemnabit me si innocentem ostendere pravum me conprobabit
manus tuae plasmaverunt me et fecerunt me totum in circuitu et sic repente praecipitas me
tum levare poteris faciem tuam absque macula et eris stabilis et non timebis
apud ipsum est sapientia et fortitudo ipse habet consilium et intellegentiam
quantas habeo iniquitates et peccata scelera mea et delicta ostende mihi
lignum habet spem si praecisum fuerit rursum virescit et rami eius pullulant
arguis verbis eum qui non est aequalis tui et loqueris quod tibi non expedit
atque utinam sic iudicaretur vir cum Deo quomodo iudicatur filius hominis cum collega suo
stilo ferreo et plumbi lammina vel certe sculpantur in silice
numquid Deum quispiam docebit scientiam qui excelsos iudicat
qui enim humiliatus fuerit erit in gloria et qui inclinaverit oculos suos ipse salvabitur
a mandatis labiorum eius non recessi et in sinu meo abscondi verba oris eius
ab Omnipotente non sunt abscondita tempora qui autem noverunt eum ignorant dies illius
quae enim spes est hypocritae si avare rapiat et non liberet Deus animam eius
non dabitur aurum obrizum pro ea nec adpendetur argentum in commutatione eius
clamo ad te et non exaudis me sto et non respicis me
non sunt longevi sapientes nec senes intellegunt iudicium
ecce et me sicut et te fecit Deus et de eodem luto ego quoque formatus sum
oculi enim eius super vias hominum et omnes gressus eorum considerat
si peccaveris quid ei nocebis et si multiplicatae fuerint iniquitates tuae quid facies contra eum
ecce Deus excelsus in fortitudine sua et nullus ei similis in legislatoribus
tonabit Deus in voce sua mirabiliter qui facit magna et inscrutabilia
quis est iste involvens sententias sermonibus inperitis
numquid ingressus es thesauros nivis aut thesauros grandinis aspexisti
numquid nosti tempus partus hibicum in petris vel parturientes cervas observasti
numquid irritum facies iudicium meum et condemnabis me ut tu iustificeris
audi et ego loquar interrogabo et ostende mihi
et mortuus est senex et plenus dierum
in omnibus his non peccavit Iob neque stultum quid contra Deum locutus est
ibi impii cessaverunt a tumultu et ibi requieverunt fessi robore
respondens autem Eliphaz Themanites dixit
voca ergo si est qui tibi respondeat et ad aliquem sanctorum convertere
respondens autem Sophar Naamathites dixit
duo tantum ne facias mihi et tunc a facie tua non abscondar
homo vero cum mortuus fuerit et nudatus atque consumptus ubi quaeso est
respondens autem Iob dixit
respondens autem Eliphaz Themanites dixit
respondens autem Iob dixit
omiserunt autem tres viri isti respondere Iob eo quod iustus sibi videretur
accinge sicut vir lumbos tuos interrogabo te et responde mihi
abierunt ergo Eliphaz Themanites et Baldad Suites et Sophar Naamathites et fecerunt sicut locutus fuerat ad eos Dominus et suscepit Dominus faciem Iob
aut poterit comedi insulsum quod non est sale conditum aut potest aliquis gustare quod gustatum adfert mortem
sic et ego habui menses vacuos et noctes laboriosas enumeravi mihi
et si impius fuero vae mihi est et si iustus non levabo caput saturatus adflictione et miseria
apud ipsum est fortitudo et sapientia ipse novit et decipientem et eum qui decipitur
quare persequimini me sicut Deus et carnibus meis saturamini
quia in diem perditionis servabitur malus et ad diem furoris ducitur
qui extendit aquilonem super vacuum et adpendit terram super nihili
quis mihi tribuat ut sim iuxta menses pristinos secundum dies quibus Deus custodiebat me
hoc est ergo in quo non es iustificatus respondebo tibi quia maior sit Deus homine
etiam cum dixeris non considerat iudicare coram eo et expecta eum
adnuntiat de ea amico suo quod possessio eius sit et ad eam possit ascendere
non quasi crudelis suscitabo eum quis enim resistere potest vultui meo
vixit autem Iob post haec centum quadraginta annis et vidit filios suos et filios filiorum suorum usque ad quartam generationem