confidens hoc ipsum quia qui coepit in vobis opus bonum perficiet usque in diem Christi Iesu
mihi enim vivere Christus est et mori lucrum
nihil per contentionem neque per inanem gloriam sed in humilitate superiores sibi invicem arbitrantes
non quae sua sunt singuli considerantes sed et ea quae aliorum
hoc enim sentite in vobis quod et in Christo Iesu
qui cum in forma Dei esset non rapinam arbitratus est esse se aequalem Deo
sed semet ipsum exinanivit formam servi accipiens in similitudinem hominum factus et habitu inventus ut homo
humiliavit semet ipsum factus oboediens usque ad mortem mortem autem crucis
propter quod et Deus illum exaltavit et donavit illi nomen super omne nomen
ut in nomine Iesu omne genu flectat caelestium et terrestrium et infernorum
et omnis lingua confiteatur quia Dominus Iesus Christus in gloria est Dei Patris
itaque carissimi mei sicut semper oboedistis non ut in praesentia mei tantum sed multo magis nunc in absentia mea cum metu et tremore vestram salutem operamini
Deus est enim qui operatur in vobis et velle et perficere pro bona voluntate
sed quae mihi fuerunt lucra haec arbitratus sum propter Christum detrimenta
verumtamen existimo omnia detrimentum esse propter eminentem scientiam Iesu Christi Domini mei propter quem omnia detrimentum feci et arbitror ut stercora ut Christum lucri faciam
ad agnoscendum illum et virtutem resurrectionis eius et societatem passionum illius configuratus morti eius
fratres ego me non arbitror conprehendisse unum autem quae quidem retro sunt obliviscens ad ea vero quae sunt in priora extendens me
ad destinatum persequor ad bravium supernae vocationis Dei in Christo Iesu
nostra autem conversatio in caelis est unde etiam salvatorem expectamus Dominum Iesum Christum
gaudete in Domino semper iterum dico gaudete
nihil solliciti sitis sed in omni oratione et obsecratione cum gratiarum actione petitiones vestrae innotescant apud Deum
et pax Dei quae exsuperat omnem sensum custodiat corda vestra et intellegentias vestras in Christo Iesu
de cetero fratres quaecumque sunt vera quaecumque pudica quaecumque iusta quaecumque sancta quaecumque amabilia quaecumque bonae famae si qua virtus si qua laus haec cogitate
non quasi propter penuriam dico ego enim didici in quibus sum sufficiens esse
omnia possum in eo qui me confortat
Deus autem meus impleat omne desiderium vestrum secundum divitias suas in gloria in Christo Iesu
gratia Domini Iesu Christi cum spiritu vestro amen
gratia vobis et pax a Deo Patre nostro et Domino Iesu Christo
et hoc oro ut caritas vestra magis ac magis abundet in scientia et omni sensu
tantum digne evangelio Christi conversamini ut sive cum venero et videro vos sive absens audiam de vobis quia stetistis uno spiritu unianimes conlaborantes fide evangelii
si qua ergo consolatio in Christo si quod solacium caritatis si qua societas spiritus si quid viscera et miserationes
verbum vitae continentes ad gloriam meam in die Christi quia non in vacuum cucurri neque in vacuum laboravi
de cetero fratres mei gaudete in Domino eadem vobis scribere mihi quidem non pigrum vobis autem necessarium
qui reformabit corpus humilitatis nostrae configuratum corpori claritatis suae secundum operationem qua possit etiam subicere sibi omnia
itaque fratres mei carissimi et desiderantissimi gaudium meum et corona mea sic state in Domino carissimi
scio et humiliari scio et abundare ubique et in omnibus institutus sum et satiari et esurire et abundare et penuriam pati
scio enim quia hoc mihi proveniet in salutem per vestram orationem et subministrationem Spiritus Iesu Christi
sed et si immolor supra sacrificium et obsequium fidei vestrae gaudeo et congratulor omnibus vobis
non quod iam acceperim aut iam perfectus sim sequor autem si conprehendam in quo et conprehensus sum a Christo Iesu
modestia vestra nota sit omnibus hominibus Dominus prope
secundum expectationem et spem meam quia in nullo confundar sed in omni fiducia sicut semper et nunc magnificabitur Christus in corpore meo sive per vitam sive per mortem
id ipsum autem et vos gaudete et congratulamini mihi
quicumque ergo perfecti hoc sentiamus et si quid aliter sapitis et hoc vobis Deus revelabit
quae et didicistis et accepistis et audistis et vidistis in me haec agite et Deus pacis erit vobiscum
coartor autem e duobus desiderium habens dissolvi et cum Christo esse multo magis melius
nam et infirmatus est usque ad mortem sed Deus misertus est eius non solum autem eius verum etiam et mei ne tristitiam super tristitiam haberem
quorum finis interitus quorum deus venter et gloria in confusione ipsorum qui terrena sapiunt
habeo autem omnia et abundo repletus sum acceptis ab Epafrodito quae misistis odorem suavitatis hostiam acceptam placentem Deo
quia vobis donatum est pro Christo non solum ut in eum credatis sed ut etiam pro illo patiamini
et inveniar in illo non habens meam iustitiam quae ex lege est sed illam quae ex fide est Christi quae ex Deo est iustitia in fide
salutant vos omnes sancti maxime autem qui de Caesaris domo sunt
implete gaudium meum ut idem sapiatis eandem caritatem habentes unianimes id ipsum sentientes
verumtamen ad quod pervenimus ut idem sapiamus et in eadem permaneamus regula
salutate omnem sanctum in Christo Iesu salutant vos qui mecum sunt fratres
ut gratulatio vestra abundet in Christo Iesu in me per meum adventum iterum ad vos
omnia autem facite sine murmurationibus et haesitationibus
imitatores mei estote fratres et observate eos qui ita ambulant sicut habetis formam nos
non quia quaero datum sed requiro fructum abundantem in rationem vestram
scire autem vos volo fratres quia quae circa me sunt magis ad profectum venerunt evangelii
ut sitis sine querella et simplices filii Dei sine reprehensione in medio nationis pravae et perversae inter quos lucetis sicut luminaria in mundo
multi enim ambulant quos saepe dicebam vobis nunc autem et flens dico inimicos crucis Christi
Deo autem et Patri nostro gloria in saecula saeculorum amen
quid enim dum omni modo sive per occasionem sive per veritatem Christus adnuntiatur et in hoc gaudeo sed et gaudebo
festinantius ergo misi illum ut viso eo iterum gaudeatis et ego sine tristitia sim
etiam rogo et te germane conpar adiuva illas quae mecum laboraverunt in evangelio cum Clemente et ceteris adiutoribus meis quorum nomina sunt in libro vitae
et hoc confidens scio quia manebo et permanebo omnibus vobis ad profectum vestrum et gaudium fidei
excipite itaque illum cum omni gaudio in Domino et eiusmodi cum honore habetote
quia et Thessalonicam et semel et bis in usum mihi misistis
eundem certamen habentes qualem et vidistis in me et nunc audistis de me
si quo modo occurram ad resurrectionem quae est ex mortuis
spero autem in Domino Iesu Timotheum cito me mittere ad vos ut et ego bono animo sim cognitis quae circa vos sunt
videte canes videte malos operarios videte concisionem
gratias ago Deo meo in omni memoria vestri
neminem enim habeo tam unianimem qui sincera affectione pro vobis sollicitus sit
nos enim sumus circumcisio qui spiritu Deo servimus et gloriamur in Christo Iesu et non in carne fiduciam habentes
super communicatione vestra in evangelio a prima die usque nunc
omnes enim sua quaerunt non quae sunt Christi Iesu
circumcisus octava die ex genere Israhel de tribu Beniamin Hebraeus ex Hebraeis secundum legem Pharisaeus
sicut est mihi iustum hoc sentire pro omnibus vobis eo quod habeam in corde vos et in vinculis meis et in defensione et confirmatione evangelii socios gaudii mei omnes vos esse
experimentum autem eius cognoscite quoniam sicut patri filius mecum servivit in evangelium
secundum aemulationem persequens ecclesiam Dei secundum iustitiam quae in lege est conversatus sine querella
ut probetis potiora ut sitis sinceres et sine offensa in diem Christi
confido autem in Domino quoniam et ipse veniam ad vos cito
gavisus sum autem in Domino vehementer quoniam tandem aliquando refloruistis pro me sentire sicut et sentiebatis occupati autem eratis
repleti fructu iustitiae per Christum Iesum in gloriam et laudem Dei
necessarium autem existimavi Epafroditum fratrem et cooperatorem et commilitonem meum vestrum autem apostolum et ministrum necessitatis meae mittere ad vos
verumtamen bene fecistis communicantes tribulationi meae
ita ut vincula mea manifesta fierent in Christo in omni praetorio et in ceteris omnibus
quoniam quidem omnes vos desiderabat et maestus erat propterea quod audieratis illum infirmatum
scitis autem et vos Philippenses quod in principio evangelii quando profectus sum a Macedonia nulla mihi ecclesia communicavit in ratione dati et accepti nisi vos soli
quidam quidem et propter invidiam et contentionem quidam autem et propter bonam voluntatem Christum praedicant
quoniam propter opus Christi usque ad mortem accessit tradens animam suam ut impleret id quod ex vobis deerat erga meum obsequium
Euhodiam rogo et Syntychen deprecor id ipsum sapere in Domino
quidam ex caritate scientes quoniam in defensionem evangelii positus sum
quamquam ego habeam confidentiam et in carne si quis alius videtur confidere in carne ego magis