multifariam et multis modis olim Deus loquens patribus in prophetis
novissime diebus istis locutus est nobis in Filio quem constituit heredem universorum per quem fecit et saecula
qui cum sit splendor gloriae et figura substantiae eius portansque omnia verbo virtutis suae purgationem peccatorum faciens sedit ad dexteram Maiestatis in excelsis
nonne omnes sunt administratorii spiritus in ministerium missi propter eos qui hereditatem capient salutis
propterea abundantius oportet observare nos ea quae audivimus ne forte pereffluamus
quomodo nos effugiemus si tantam neglexerimus salutem quae cum initium accepisset enarrari per Dominum ab eis qui audierunt in nos confirmata est
eum autem qui modico quam angeli minoratus est videmus Iesum propter passionem mortis gloria et honore coronatum ut gratia Dei pro omnibus gustaret mortem
unde fratres sancti vocationis caelestis participes considerate apostolum et pontificem confessionis nostrae Iesum
videte fratres ne forte sit in aliquo vestrum cor malum incredulitatis discedendi a Deo vivo
vivus est enim Dei sermo et efficax et penetrabilior omni gladio ancipiti et pertingens usque ad divisionem animae ac spiritus conpagum quoque et medullarum et discretor cogitationum et intentionum cordis
habentes ergo pontificem magnum qui penetraverit caelos Iesum Filium Dei teneamus confessionem
non enim habemus pontificem qui non possit conpati infirmitatibus nostris temptatum autem per omnia pro similitudine absque peccato
adeamus ergo cum fiducia ad thronum gratiae ut misericordiam consequamur et gratiam inveniamus in auxilio oportuno
et quidem cum esset Filius didicit ex his quae passus est oboedientiam
quapropter intermittentes inchoationis Christi sermonem ad perfectionem feramur non rursum iacientes fundamentum paenitentiae ab operibus mortuis et fidei ad Deum
quam sicut anchoram habemus animae tutam ac firmam et incedentem usque in interiora velaminis
unde et salvare in perpetuo potest accedentes per semet ipsum ad Deum semper vivens ad interpellandum pro eis
nunc autem melius sortitus est ministerium quanto et melioris testamenti mediator est quod in melioribus repromissionibus sanctum est
neque per sanguinem hircorum et vitulorum sed per proprium sanguinem introivit semel in sancta aeterna redemptione inventa
et omnia paene in sanguine mundantur secundum legem et sine sanguinis fusione non fit remissio
et quemadmodum statutum est hominibus semel mori post hoc autem iudicium
teneamus spei nostrae confessionem indeclinabilem fidelis enim est qui repromisit
non deserentes collectionem nostram sicut est consuetudinis quibusdam sed consolantes et tanto magis quanto videritis adpropinquantem diem
est autem fides sperandorum substantia rerum argumentum non parentum
sine fide autem inpossibile placere credere enim oportet accedentem ad Deum quia est et inquirentibus se remunerator fit
iuxta fidem defuncti sunt omnes isti non acceptis repromissionibus sed a longe eas aspicientes et salutantes et confitentes quia peregrini et hospites sunt supra terram
ideoque et nos tantam habentes inpositam nubem testium deponentes omne pondus et circumstans nos peccatum per patientiam curramus propositum nobis certamen
aspicientes in auctorem fidei et consummatorem Iesum qui pro proposito sibi gaudio sustinuit crucem confusione contempta atque in dextera sedis Dei sedit
quem enim diligit Dominus castigat flagellat autem omnem filium quem recipit
pacem sequimini cum omnibus et sanctimoniam sine qua nemo videbit Dominum
etenim Deus noster ignis consumens est
sint mores sine avaritia contenti praesentibus ipse enim dixit non te deseram neque derelinquam
Iesus Christus heri et hodie ipse et in saecula
non enim habemus hic manentem civitatem sed futuram inquirimus
per ipsum ergo offeramus hostiam laudis semper Deo id est fructum labiorum confitentium nomini eius
oboedite praepositis vestris et subiacete eis ipsi enim pervigilant quasi rationem pro animabus vestris reddituri ut cum gaudio hoc faciant et non gementes hoc enim non expedit vobis
orate pro nobis confidimus enim quia bonam conscientiam habemus in omnibus bene volentes conversari
Deus autem pacis qui eduxit de mortuis pastorem magnum ovium in sanguine testamenti aeterni Dominum nostrum Iesum
aptet vos in omni bono ut faciatis voluntatem eius faciens in vobis quod placeat coram se per Iesum Christum cui gloria in saecula saeculorum amen
ad Filium autem thronus tuus Deus in saeculum saeculi et virga aequitatis virga regni tui
decebat enim eum propter quem omnia et per quem omnia qui multos filios in gloriam adduxerat auctorem salutis eorum per passiones consummare
amplioris enim gloriae iste prae Mose dignus habitus est quanto ampliorem honorem habet domus qui fabricavit illam
festinemus ergo ingredi in illam requiem ut ne in id ipsum quis incidat incredulitatis exemplum
et consummatus factus est omnibus obtemperantibus sibi causa salutis aeternae
talis enim decebat ut nobis esset pontifex sanctus innocens inpollutus segregatus a peccatoribus et excelsior caelis factus
in qua voluntate sanctificati sumus per oblationem corporis Christi Iesu in semel
Deo pro nobis melius aliquid providente ut ne sine nobis consummarentur
omnis autem disciplina in praesenti quidem videtur non esse gaudii sed maeroris postea autem fructum pacatissimum exercitatis per eam reddit iustitiae
honorabile conubium in omnibus et torus inmaculatus fornicatores enim et adulteros iudicabit Deus
quia ergo pueri communicaverunt sanguini et carni et ipse similiter participavit hisdem ut per mortem destrueret eum qui habebat mortis imperium id est diabolum
sed adhortamini vosmet ipsos per singulos dies donec hodie cognominatur ut non obduretur quis ex vobis fallacia peccati
omnis namque pontifex ex hominibus adsumptus pro hominibus constituitur in his quae sunt ad Deum ut offerat dona et sacrificia pro peccatis
nihil enim ad perfectum adduxit lex introductio vero melioris spei per quam proximamus ad Deum
habentes itaque fratres fiduciam in introitu sanctorum in sanguine Christi
fide intellegimus aptata esse saecula verbo Dei ut ex invisibilibus visibilia fierent
scitote enim quoniam et postea cupiens hereditare benedictionem reprobatus est non enim invenit paenitentiae locum quamquam cum lacrimis inquisisset eam
caritas fraternitatis maneat
unde debuit per omnia fratribus similare ut misericors fieret et fidelis pontifex ad Deum ut repropitiaret delicta populi
et videmus quia non potuerunt introire propter incredulitatem
qui in diebus carnis suae preces supplicationesque ad eum qui possit salvum illum a morte facere cum clamore valido et lacrimis offerens et exauditus pro sua reverentia
capitulum autem super ea quae dicuntur talem habemus pontificem qui consedit in dextera sedis Magnitudinis in caelis
accedamus cum vero corde in plenitudine fidei aspersi corda a conscientia mala et abluti corpus aqua munda
fide Enoch translatus est ne videret mortem et non inveniebatur quia transtulit illum Deus ante translationem enim testimonium habebat placuisse Deo
non enim accessistis ad tractabilem et accensibilem ignem et turbinem et caliginem et procellam
ita ut confidenter dicamus Dominus mihi adiutor non timebo quid faciat mihi homo
quapropter sicut dicit Spiritus Sanctus hodie si vocem eius audieritis
itaque relinquitur sabbatismus populo Dei
etenim cum deberetis magistri esse propter tempus rursum indigetis ut vos doceamini quae sint elementa exordii sermonum Dei et facti estis quibus lacte opus sit non solido cibo
quanto magis sanguis Christi qui per Spiritum Sanctum semet ipsum obtulit inmaculatum Deo emundabit conscientiam vestram ab operibus mortuis ad serviendum Deo viventi
et consideremus invicem in provocationem caritatis et bonorum operum
fide Noe responso accepto de his quae adhuc non videbantur metuens aptavit arcam in salutem domus suae per quam damnavit mundum et iustitiae quae per fidem est heres est institutus
sed accessistis ad Sion montem et civitatem Dei viventis Hierusalem caelestem et multorum milium angelorum frequentiae
mementote praepositorum vestrorum qui vobis locuti sunt verbum Dei quorum intuentes exitum conversationis imitamini fidem
nolite obdurare corda vestra sicut in exacerbatione secundum diem temptationis in deserto
inpossibile est enim eos qui semel sunt inluminati gustaverunt etiam donum caeleste et participes sunt facti Spiritus Sancti
scimus enim qui dixit mihi vindictam ego reddam et iterum quia iudicabit Dominus populum suum
nunc autem meliorem appetunt id est caelestem ideo non confunditur Deus vocari Deus eorum paravit enim illis civitatem
videte ne recusetis loquentem si enim illi non effugerunt recusantes eum qui super terram loquebatur multo magis nos qui de caelis loquentem nobis avertimur
habemus altare de quo edere non habent potestatem qui tabernaculo deserviunt
quadraginta annos propter quod infensus fui generationi huic et dixi semper errant corde ipsi autem non cognoverunt vias meas
non enim iniustus Deus ut obliviscatur operis vestri et dilectionis quam ostendistis in nomine ipsius qui ministrastis sanctis et ministratis
horrendum est incidere in manus Dei viventis
et quid adhuc dicam deficiet enim me tempus enarrantem de Gedeon Barac Samson Iepthae David et Samuhel et prophetis
cuius vox movit terram tunc modo autem repromittit dicens adhuc semel ego movebo non solum terram sed et caelum
exeamus igitur ad eum extra castra inproperium eius portantes
timeamus ergo ne forte relicta pollicitatione introeundi in requiem eius existimetur aliqui ex vobis deesse
hic enim Melchisedech rex Salem sacerdos Dei summi qui obviavit Abrahae regresso a caede regum et benedixit ei
patientia enim vobis necessaria est ut voluntatem Dei facientes reportetis promissionem
quibus dignus non erat mundus in solitudinibus errantes et montibus et speluncis et in cavernis terrae
hospitalitatem nolite oblivisci per hanc enim latuerunt quidam angelis hospitio receptis
beneficientiae autem et communionis nolite oblivisci talibus enim hostiis promeretur Deus